火舞表演絢麗奪目，同時又危險度極高。 舞者隨住節拍揮動手上嘅火焰，散發攝人魅力，同時都有被烈焰纏身嘅風險，唔少火舞表演者身上都有大大小小嘅燙傷痕跡。 2011年，一場火舞表演引致大火，造成台中夜店9名觀眾死亡。一夜間，台灣各地嘅火舞團體都被人視為危險分子，各地都拒絕提供場地畀火舞團體。 一班台灣年輕火舞表演者，透過革新火舞藝術，希望改變大眾對火舞表演嘅危險印象，帶住呢種獨特藝術遠征世界。